Экалагічная акцыя "Пакарміце птушак зімой" (снежань-студзень 2021)

Дата: 21 января 2021 в 20:32, Обновлено 21 января 2021 в 22:48

Автор: Отрощенко Г. Н.

427 просмотров

Зіма – цяжкі час для птушак. Перажыць птушкам галодную пару дапамагае зімовая падкормка – важны від прыродаахоўнай дзейнасці. Развешванне кармушак з году ў год стала добрай традыцыяй для нашай устновы адукацыі. Так і ў гэтым годзе навучэнцы Дзяржаўнай установы адукацыі “Любушанскі навучальна-педагагічны комплекс дзіцячы сад – сярэдняя школа” прынялі ўдзел у экалагічнай акцыі “Пакарміце птушак зімой”, мэтай якой з’яўляецца прыцягненне ўвагі школьнікаў і выхаванцаў дашкольных груп да зімуючых птушак і павышэнне экалагічнай актыўнасці падрастаючага пакалення. Так, на ўроках працоўнага навучання хлопчыкі 5-9 класаў сумесна з настаўнікам працоўнага навучання Раткевічам В.А. вырабілі і адрэстаўравалі больш за дзесятак кармушак. У акцыі прынялі ўдзел выхаванцы дашкольных рознаўзроставых груп “Сонейка” і “Вясёлка” а таксама вучні з 1 па 9 клас. У ходзе эколага-пазнавальнай экскурсіі дзеці не толькі даведаліся пра тое, якія птушкі зімуюць у нашым раёне і як іх правільна падкормліваць, але і самі развесілі кармушкі і насыпалі корм.
Чалавек можа сур’ёзна дапамагчы птушкам перажыць халодную пару года. Калі ласка, падкормлівайце іх на працягу ўсёй зімы, развешвайце кармушкі на галінках дрэў або за акном.